重點先講
- Meta廣告（Facebook及Instagram）最擅長建立需求同測試創意，適合需要視覺說服、或者客人未主動搜尋嘅產品。
- 香港IG廣告代操服務費常見每月HK$5,000至30,000，或按媒體費約15%至25%；創意製作量係報價差異最大嘅因素。
- 香港查詢型生意多數經WhatsApp、Meta即時表格或網站轉化，三者要分開量度，唔可以將「點擊WhatsApp」當成一個Lead。
- 受眾越來越多交畀Advantage+自動擴展，所以素材數量同轉化數據質素，比細分興趣受眾更影響成效。
IG廣告公司實際幫你做啲乜？
Meta廣告代理嘅工作，係按生意目標揀啱廣告目標，再處理創意、受眾、版位、轉化路徑同追蹤。Meta而家有六個廣告目標：知名度、流量、互動、潛在客戶、應用程式推廣同銷售；揀錯目標，系統就會幫你搵錯嘅人。
- 策略同目標：釐清要嘅係查詢、網店銷售定品牌認知，同可接受嘅每個結果成本。
- 創意製作：Reels同直度影片、圖片、輪播廣告，按受眾階段準備唔同訊息。
- 投放同優化：受眾同Advantage+設定、預算分配、頻率控制、素材疲勞監察。
- 數據量度：Pixel同Conversions API、WhatsApp對話追蹤、Lead質素回報。
受眾自動化設定點樣取捨，可以睇Meta Advantage+ Audience優點及限制。
IG及Facebook廣告收費點計？
Meta廣告冇最低消費，但「投得到」同「投得有意義」係兩回事。總開支一般由服務費、媒體費同創意製作三部分組成。
| 項目 | 香港市場常見範圍 | 備註 |
|---|---|---|
| 代操服務費（固定月費） | 每月HK$5,000至30,000 | 視乎Campaign數量、報表及創意需求 |
| 代操服務費（按媒體費百分比） | 約15%至25% | 適合媒體預算較大或每月波動 |
| 媒體費 | 認真測試每月最少HK$5,000至10,000 | 直接付畀Meta，應以你公司廣告帳戶支付 |
| 創意製作 | 按素材數量同形式報價 | 影片同Reels通常佔較大比例 |
媒體費按競價計，同一班受眾喺雙十一、聖誕或農曆新年前，成本通常會上升。各類目標嘅香港市場參考成本（例如每千次曝光、每次點擊、每個查詢），可以睇香港數碼營銷收費指南。
WhatsApp、Lead表格定網站？香港三種常見轉化路徑
| 轉化路徑 | 優點 | 要留意 | 點量度 |
|---|---|---|---|
| WhatsApp對話廣告 | 香港客人最習慣、回覆快 | 點擊唔等於有傳訊息；要有人即時跟進 | 實際收到嘅對話、合資格對話 |
| Meta即時表格（Instant Form） | 唔使離開App，Lead數量多 | 質素較參差，容易有亂填 | 合資格比率、接通率 |
| 網站表格／網店 | 資料較完整，可以用Landing Page說服 | 頁面速度同手機體驗影響大 | 後端成功提交、訂單及收入 |
好多帳戶「Lead好平但冇生意」，原因係將三種路徑嘅數字加埋一齊睇。建議用Conversions API將合資格Lead或成交回傳Meta，等系統學識搵似你真正客人嘅人。
點揀IG廣告公司？六個檢查點
- 帳戶擁有權：廣告帳戶、Facebook專頁、IG帳戶同Pixel應該喺你公司嘅Business Portfolio（前稱Business Manager）名下，代理只攞夥伴權限。
- 創意產能：每月可以出幾多組新素材？有冇Reels同直度影片能力？Meta廣告成效好大程度取決於素材更新速度。
- Lead質素：點樣分辨合資格Lead？會唔會幫你設定WhatsApp同表格嘅跟進流程？
- 追蹤設定：有冇設定Conversions API？只靠瀏覽器Pixel，轉化數據通常會有遺漏。
- 報告透明度：可唔可以直接睇Ads Manager？報告有冇分開WhatsApp、表格同網站轉化？
- 本地理解：廣東話文案、香港節日同消費習慣，同直接翻譯海外素材效果差好遠。
Icebreaker點樣做IG及Facebook廣告？
- 第一步 健康檢查：檢查帳戶擁有權、Pixel／Conversions API、現有素材同轉化路徑。
- 第二步 定好路徑：按生意性質揀WhatsApp、即時表格或網站，並定義乜嘢先算合資格Lead。
- 第三步 創意測試：每輪準備多組訊息同形式，用數據決定邊類素材加碼。
- 第四步 每週優化：預算分配、頻率、素材疲勞同受眾設定。
- 第五步 每月檢討：用合資格查詢、訂單同成本趨勢決定下一步。
團隊持有Meta Blueprint認證，過往案例包括Belkin廣告投資回報3X+。不同行業、預算同目標會有不同結果。如果你同時需要承接搜尋需求，可以睇Google Ads代理服務，或者網上廣告代理服務總覽。
想知你嘅IG廣告點解有Lead冇生意？
我哋可以先睇你嘅帳戶設定、素材同轉化路徑，指出最值得先改嘅位置，唔會硬銷。
免費檢查現有廣告 ↗常見問題
香港IG廣告公司收費一般幾多？＋
代操服務費常見每月HK$5,000至30,000，或按媒體費約15%至25%計算；媒體費另計，直接付畀Meta。創意製作量（特別係影片同Reels）係報價差異最大嘅因素。
IG廣告每月最少要幾多預算？＋
認真測試一個Campaign，媒體費建議每月最少HK$5,000至10,000，並持續6至8星期。預算太細會令系統長時間停喺學習階段，結果好難有結論。
IG定Facebook廣告好？＋
唔使二揀一。Meta廣告可以同時投放兩個平台，系統會按成效分配版位。年輕或視覺導向嘅產品可以偏重IG同Reels，但一般建議先用自動版位，再按數據調整。
WhatsApp廣告點樣計成效？＋
唔好用「點擊WhatsApp按鈕」作為Lead。應該以實際收到嘅對話、合資格對話同最終成交計算，並記錄每段對話來自邊個Campaign。
Advantage+要唔要用？＋
Advantage+ Audience同Advantage+銷售活動適合轉化數據足夠嘅帳戶，可以減少手動受眾設定。前提係轉化追蹤準確同素材夠多；追蹤未搞好就開，系統會優化錯誤目標。
IG廣告素材幾耐要換？＋
冇固定日數。留意頻率、CTR同每次結果成本趨勢；當同一班受眾重複見到同一素材、成本持續上升，就應該上新素材。一般帳戶最好每月都有新素材測試。
參考資料
本頁提及嘅收費及預算為香港市場一般參考範圍，並非固定報價；案例數字只代表個別過往結果，實際成效按行業、預算及市場情況而定。