香港Google廣告公司：Google Ads代理服務、收費及揀選要點

Google廣告公司實際幫你做啲乜？

Google Ads唔只係搜尋結果上面嗰幾條廣告。一間合格嘅Google廣告公司，會按你嘅生意目標揀啱Campaign類型，再處理關鍵字、出價、廣告素材、Landing Page同轉化追蹤。

大部分香港查詢型生意，應該由搜尋廣告開始；電商同轉化數據多嘅帳戶，先值得重點測試Performance Max。關鍵字、出價同排名因素嘅細節，可以睇SEM廣告指南。

Google Ads代理收費點計？

香港市場冇統一價目，但Google Ads代理嘅總開支一般由服務費、媒體費同一次性設定三部分組成。

媒體預算唔應該由「同行用幾多」出發，而係由一個合資格查詢對你值幾錢倒推。各項服務嘅收費範圍同計法例子，可以參考香港數碼營銷收費指南。

點揀Google廣告公司？簽約前問呢七條問題

• 帳戶擁有權：Google Ads帳戶係咪開喺你公司名下、用你公司嘅付款方式？代理只應該攞管理權限。
• 搜尋字詞報告：可唔可以直接睇到真實搜尋字詞同每個關鍵字成本？呢份報告最能反映錢有冇浪費喺無關搜尋。
• 轉化追蹤：轉化點樣設定？有冇用加強型轉換（Enhanced Conversions）或將離線成交匯入Google Ads，令系統分得出好Lead同差Lead？
• 自動化控制：開AI Max或Performance Max時，會點樣設定負面關鍵字、品牌排除同網址範圍？
• 成效定義：月報用合資格查詢、報價同成交衡量，定只係點擊同展示？
• 認證及案例：認證可以喺Google Partners官方目錄核實；再問同行業或同類轉化路徑嘅實際案例。
• 合約條款：最短合約期、終止通知期，同埋媒體費有冇經代理加成過數。

AI Max同Performance Max年代，Google廣告公司仲有咩價值？

Google近年將出價、關鍵字配對同廣告組合越來越多交畀AI處理。AI Max for Search會將搜尋配對同廣告文字延伸到你冇加入嘅關鍵字；Performance Max就用一個Campaign跨晒Google各個版位投放。手動調出價嘅工作少咗，但AI只會跟你畀佢嘅數據學習。

所以代理嘅價值轉移到四件事：

• 數據輸入：將合資格Lead、成交金額或離線成交回傳，令系統優化真正有價值嘅結果，而唔係最平嘅表格。
• 排除同界線：負面關鍵字、品牌排除、網址範圍，避免預算流去無關搜尋或者自己品牌嘅搜尋。
• 素材質素：標題、描述、圖片同影片嘅數量同多樣性，直接影響自動組合嘅成效。
• Landing Page：廣告承諾同頁面第一屏要一致，否則點擊越多，浪費越多。

Icebreaker點樣做Google Ads？

• 第一步 健康檢查：檢查現有帳戶結構、搜尋字詞、轉化設定同Landing Page，先搵出浪費最多嘅位置。
• 第二步 重組結構：按搜尋意圖重組Campaign同關鍵字，品牌字、服務字同競爭字分開管理。
• 第三步 搭好追蹤：GA4／GTM、轉化定義、Lead質素回傳，令自動出價學啱目標。
• 第四步 每週優化：搜尋字詞審查、負面關鍵字、廣告測試同預算分配。
• 第五步 每月檢討：用合資格查詢、成本趨勢同成交回饋決定下一步。

團隊持有Google Partner認證，過往案例包括MINI Hong Kong錄得1,500+網站及表格轉化，以及EdUHK網站流量+38%、同時CPC下降20%。不同行業、預算同目標會有不同結果。如果你同時考慮社交廣告，可以睇IG及Facebook廣告代理服務，或者網上廣告代理服務總覽。